Kampionati Evropian “Gjermania 2024” do të vazhdoj me ndeshje interesante edhe në ditën e tretë të tij.
Të dielën, sikurse të shtunën do të zhvillohen tri ndeshje, ku dy prej tyre i takojnë Grupit C dhe një tjetër i takon Grupit D.
Dueli i parë i ditës, do të jetë ai i orës 15:00, ku do të takohen Polonia me Holandën në kuadër të Grupit D.
Holandezët vlerësohen favorit në këtë përballje, duke pasur parasysh se Polonisë do t’i mungoj kapiteni Robert Lewandowski.
Prej orës 18:00 do të luhet ndeshja e parë e Grupit C ndërmjet Sllovenisë dhe Danimarkës, ku pritet një duel i fortë dhe interesant.
Ndërkohë, dita e tretë e “Euro 2024” do të mbyllet me ndeshjen tjetër të Grupit C, ku Anglia do të luajë kundër Serbisë.
Anglia, si një prej favoritëve për ta fituar këtë Evropian pritet ta mposhtë Serbisë dhe që në ndeshjen e parë të dëshmojë veten si favorit i këtij grupi.
Discussion about this post