FOTO/ Nga ora më e shtrenjtë e Benzemas në orën më ekonomike të Lewandowskit, ja vlerat e tyre

Mbrëmjen e hënë u mbajt edhe Ceremonia e “Topit të Artë”, ku Karim Benzema arriti të fitonte për herë të parë trofeun individual, duke u shpallur si lojtari më i mirë i sezonit 2021-2022.

Nëse francezi u quajt lojtari më i mirë, Robert Lewandowski u shpall sulmuesi më i mirë që ka shënuar më shumë gola me klubin dhe kombëtaren, duke fituar kështu çmimin “Muller.

Ishin të shumta imazhet, anekdotat dhe kuriozitetet e një mbrëmje të veçantë ku morën pjesë shumica e personaliteteve më të rëndësishme të skenës aktuale të futbollit. E duke qenë se gjithçka në këtë sport është aktuale, shumë media i kanë bërë jehonë orëve që mbanin dy protagonistët tanë.

Benzema, i cili u shfaq me një kostum Fendi me porosi, me të cilin nderoi një prej idhujve të tij, reperit të ndjerë 2pac , mbante gjithashtu një Richard Mille RM 65-01 në kyçin e dorës së majtë, ora që konsiderohet më e shtrenjta e markës.

Siç sqaron revista “GQ”, ajo u soll në treg pas pesë vitesh testimi dhe me kalibrin automatik RMAC4, që e bën atë një nga më të veçantat në treg. Përveç kësaj, ai përfshin një ekuilibër me frekuencë të lartë që është i aftë të përcaktojë kohën deri në 1/10 e sekondës me saktësi maksimale . Vlera e tij është 500.000 euro.

“Pjesa e brendshme është plotësisht e mbuluar me titan të klasës 5, ndërsa pjesa e jashtme është e kompletuar me një kuti TPT karboni në modelin e saj bazë . Mekanizmi i mbështjelljes së shpejtë është një tjetër nga pikat e forta të tij dhe, nëse ora ndalon, mjafton të aktivizoni shtytjen, butoni i vendosur në orën 8, i cili rivendos fuçinë dhe mund ta mbështjell në mënyrë që të fillojë të punojë përsëri sikur të mos kishte ndodhur asgjë”, shpjegon përshkrimi i produktit.

Nëse Benzema kishte një orë të shtrenjtë në dorë, Lewandowksi ka bërë të kundërtën.

Nga ana tjetër, shumë sy u drejtuan drejtpërdrejt nga ora e polakut . Sulmuesi i Barçës, të cilit para ca muajsh iu vodh një ore Patek Philippe me vlerë 70,000 euro në hyrje të Ciudad Deportiva , të hënën kishte vendosur një tjetër me një çmim të ulët.

Konkretisht ora ka qenë e markës Casio dhe vlerësohet 60 euro. Një detaj që nuk ka kaluar pa u vënë re në rrjetet sociale dhe mes tifozëve të Barçës.