Një reagim epik ishte ai i trajnerit Jurgen Klopp pas golit të Mohamed Salah në fitoren e Liverpool kundër Watford këtë mbrëmje.
Liverpool e fitoi këtë takim me golavarazhin e thellë 5-0 në javën e tetë të Premier Ligës angleze.
Golat në këtë ndeshje për ekipin e Jurgen Klopp u shënuan nga Sane Mane (9’), Roberto Firmino (37’, 52’, 90+) dhe Mohamed Salah (54’).
Megjithatë, goli i shënuar nga ylli egjiptian, Salah, është goli që ka vjedhur gjithë vëmendjen e ndeshjes dhe golave tjerë.
Salah shënoi një supergol në minutën e 54-të për të çuar epërsinë në 0-4 pasi driblojë tre lojtarë kundërshtarë brenda zonës së penalltisë, para se të gjente rrjetën me një goditje të bukur me të majtën.
Goli mahnitës i Salah ka befasuar edhe trajnerin Jurgen Klopp, i cili pas këtij goli bëri një reagim interesant duke dashur të tregojë që sulmuesi i tij arrin të bëjë gjëra të mëdha.
