Kombëtarja e Francës është fituesja e Ligës së Kombeve. “Gjelat” mundën në finalen e madhe në “San Siro” kombëtaren e Spanjës me shifrat 2-1. Tjetër përmbysje për Francën në harkun kohor të pak ditëve. Golat e francezëve u shënuan nga Mbape dhe Benzema. Pjesa e parë nuk prodhoi shumë raste shënimi me skuadrat që kishin vendosur të mbroheshin. E dyta nisi me iberikët më offensive teksa kaluan në avantazh me sulmuesin Oyarzabal. Megjithatë Franca nuk u dorëzua duke shënuar dy gola.
Fillimisht ishte Benzema që realizoi një gol mjaft të bukur teksa në të 80 minut Mbappe shënoi golin e fitores për kampionët në fuqi të botës. Një sukses i merituar për të besuarit e trajnerit Didier Deshamp të cilët koleksionuan një tjetër sukses pas atij të tre viteve më parë në Rusi. Në radhët e Spanjës ka shumë dëshpërim pasi arritën të zhvillonin një ndeshje të mirë por nuk i’a dolën të rezistonin shumë gjat. Me golin e fitores Mbappe ka heshtur kritikët për penalltinë e humbur në europian ndaj Zvicrës.
