Shorti për kalendarin e Kategorisë Speriore dhe Kategorisë së Parë për sezonin futbollistik 2021-2022 do të hidhet këtë javë.
Ky short do zhvillohet të premten në ambientet e sallës së konferencave të stadiumit “Air Albania” dhe në orën 10:00 do zbardhet kalendari i Superligës, ndërsa në 10:30 ai i Kategorisë së Parë.
Komiteti Ekzekutiv i FSHF-së ka vendosur që Kategoria Superiore të startojë më 11 shtator 2021 dhe do të mbarojë më datën 26 maj 2022, ndërsa Kategoria e Parë nis po më datën 11 shtator 2021, por mbyllet më datën 7 maj 2022.
Rikujtojmë që në këtë sezon në Kategorinë Superiore janë pjesëmarrëse këto skuadra: Teuta, Partizani, Vllaznia, Laçi, Tirana, Kukës, Skënderbeu, Kastrioti, Dinamo, Egnatia.
Ndërsa në Kategorinë e Parë marrin pjesë: Apolonia, Besa, Besëlidhja, Burreli, Bylis, Erzeni, Korabi, Lushnja, Maliqi, Pogradeci, Shkumbini, Tomori, Turbina, Vora, Tërbuni dhe Butrinti./Gijotina.com
