Futbollisti spanjoll i Barcelonës Jordi Alba është pjesë e këtij klubi prej vitit 2012 kur u transferua nga Valencia. Mbrojtësi i majtë ka fituar gjithçka në Camp Nou, ndërkohë që ka kontratë deri në vitin 2024 me klubin katalanas.
Minutazhi i tij në fushën e lojës ka pësuar ulje drastike këtë sezon si shkak i shpërthimit të Alejandro Balde, i cili ka fituar balotazhin për krahun e majtë të mbrojtjes. Megjithatë, Alba, nuk e bën dramë këtë gjë. Duke folur për gazetën Marca, ai u shpreh, në lidhje me të ardhmen e tij, se është i gatshëm të pranojë dhe ulje të pagës vetëm për të qëndruar në ekipin katalanas.
“Do të qëndrojë këtu deri vitin e ardhshëm, pasi mendoj se jam ende në nivel të mirë. Është e vërtetë që nuk po luaj çdo ndeshje, por përpiqem të jap më të mirën kur kanë nevojë për mua. Kur nuk luaj, unë përpiqem të ndihmoj shokët e skuadrës duke i mbështetur nga pankina. Është shumë e rëndësishme t’i ndihmoj, të jem me shokët e mi dhe t’i këshilloj.
Kjo është pozitive dhe më ndihmon. Në fillim nuk e kisha të lehtë faktin që nuk po luaja gjithmonë, por tani jam i qetë dhe mirë mendërisht. Jam edhe i motivuar.
Rinovimi? Nëse do më kërkojnë të ul pagën për të firmosur kontratën e re, atëherë do e bëj. Gjithmonë kam dhënë ndihmën time kur më është kërkuar”, u shpreh Jordi Alba.
Discussion about this post