Tirana ka organizuar sot një tjetër samit, atë të vendeve të Ballkanit Perëndimor dhe zyrtarëve të lartë të BE-së, me fokus integrimin e rajonit në Bashkimin Europian dhe zbatimin e planit të rritjes ekonomike.
Kryeministri Edi Rama si organizator i këtij aktiviteti ka pritur liderët e Ballkanit Perëndimor në Pallatin e Kongreseve.
Por ndërsa ka qenë duke pritur pjesëmarrësit në tapetin e kuq, një gazetar italian e ka bezdisur Ramën me pyetjet e tij, duke i prishur edhe humorin para fillimit të Samitit.
“A do paguash për Françesko Beketin”, ka qenë pyetja e gazetarit për Ramën.
“Nuk e njoh,” u përgjigj Rama, dukshëm i bezdisur që po i prishte këtë organizim.
Gazetari italian ngriti pretendimin e shfaqur në mediat italiane se paratë që Beketi ka fituar në arbitrazh, mund të mbahen nga paratë që qeveria italiane do i japë Shqipërisë për ngritjen e kampeve të refugjatëve. I pyetur për këtë çështje, Rama tha: “Zero lekë do të marrë”.
Gazetari italian nuk është ndalur, por ka vazhduar të pyesë se çfarë mund të ndodhë me marrëveshjen nëse ndryshohet pushteti. Por përgjigja e Ramës ka qenë e shkurtër: Edhe 5 vjet jam unë këtu.
Discussion about this post