Rastet e dhunës seksuale në Kosovë janë problem në vete, pasi çdo ditë raportohet për një shumësi të rasteve të dhunës e sidomos dhunës seksuale tek të miturat.
Vetëm gjatë këtij viti sipas Institutit të Mjekësisë Ligjore në një tryezë me Bashkimin Evropian, janë raportuar 100 raste të dhunës seksuale në Kosovë.
Sipas patologes në Institutin e Mjekësisë Ligjore, Bergita Curri, 70% e këtyre rasteve janë viktima të mitura.
“70% e viktimave janë të mitura dhe kjo tregon se dhuna seksuale po prek fëmijët tanë, gjë që është e papranueshme. Përderisa të kemi shifra të tilla, askush nga ne nuk mund të jetë rehat. Ne, si shtet, si institucione, si prindër, si bashkëqytetarë kemi obligim t’i mbrojmë fëmijët tanë” – tha Curri.
Curri theksoi se në shumicën e rasteve të dhunës seksuale, dhunuesi është i njohur për viktimën dhe shtoi se dy faktorë janë vendimtarë në dënimin e kryerësit të veprës: rasti duhet të raportohet menjëherë nga viktima dhe ekzaminimi i viktimës duhet të bëhet sa më parë pas kryerjes së veprës penale në mënyrë që provat biologjike të mblidhen me kohë.
“Dy faktorë janë vendimtarë në dënimin e kryerësit të veprës: rasti duhet të raportohet menjëherë nga viktima dhe ekzaminimi i viktimës të bëhet sa më parë pas kryerjes së veprës penale, në mënyrë që provat biologjike të mblidhen me kohë” – tha ajo.
Discussion about this post