Bundestagu ka miratuar ndryshimet e ligjit për migracionin. Kështu, azilkërkuesve do u jepet mundësi që të jetojnë 5 vjet e më tepër në Gjermani. Gjithashtu, dhe punonjësve të kualikuar do tu lehtësohen procedurat për të marrë një leje të përhershme qëndrimi.
Për ndryshimet e këtij ligji votuan 371 deputetë të Bundestagut, 226 ishin kundër, kurse 57 deputetë abstenuan, raporton tagesschau.
Sipas planeve të Qeverisë Federale, e drejta e qëndrimit duhet të ofrojë perspektivë për migrantët e mirë integruar që jetojnë në Gjermani prej disa vitesh pa status të sigurt.
Përjashtohen kriminelët dhe personat që fshehin identitetin e tyre për të shmangur dëbimin.
Kushdo që ka jetuar në vend për pesë vjet deri më 31 tetor 2022 dhe nuk ka kryer një krim, duhet t’i jepet 18 muaj afat për të përmbushur kërkesat për qëndrim afatgjatë – kjo përfshin njohjen e gjermanishtes dhe sigurimin e jetesës së tyre.
Sipas qeverisë federale, më shumë se 136 mijë njerëz në të gjithë Gjermaninë mund të përfitojnë nga rregulloret e reja. Ligji i miratuar nga parlamenti eviton gjithashtu pengesat për të drejtën e qëndrimit pavarësisht nga afati, duke shkurtuar kohën e pritjes.
Përveç kësaj, Parlamenti miratoi një ligj që parashikon ndryshime në procedurat gjyqësore që kanë të bëjnë me azilin. Ligji prezanton gjithashtu këshilla për procedurën e azilit që është e pavarur nga autoritetet për herë të parë, ku refugjatët mund të marrin këshilla dhe ndihmë përpara dhe gjatë procedurës.
Paketa legjislative përfshin gjithashtu dëbimin më të lehtë të kriminelëve. Për qeverinë federale, ligji është pjesa e parë e një pakete migracioni, ku do të pasojnë edhe dy të tjera.
Discussion about this post