Kreu i Partisë Demokratike, Sali Berisha, e ka cilësuar si një proces të mirëfilltë stalinist gjyqin ndaj deputetit Ervin Salianji. Berisha shkruan në rrjet se denoncimi i deputetit Salianji “detyroi Fatmir Xhafajn të shpëtojë vëllain nga hetimi për trafiqet qe drejtonte nga Vlora ta dorëzoje atë me procedure te rrufeshme ne Itali, por sot asnjeri nuk e di se ku ndodhet ai”.
Sipas Sali Berishës, akuzat kundër tij u montuan nga dëshmitarë te rreme, nga bashkëpunëtorë te ngushte te krimit ne krye drejtues të lartë policie. Berisha i bën thirrje disa institucioneve ndërkombëtare qe te ndërhyjnë kundër këtij procesi.
“Rikthehen proceset staliniste! Miq, deputeti Ervin Salianji del nesër para gjyqit në një proces të mirëfilltë stalinist. Ai shkon në babalen e të akuzuarit sepse denoncoi Geron-Agron Xhafen të dënuar 7 vjet si kryetar i rrjetit të trafikut të drogës të Bolonjës me Venezuelën dhe i kërkuar.
Ai vazhdonte prej vitesh i qetë dhe i mbrojtur nga vëllaçko Fatmiri, ministër dhe Edvini, veprat e tij të zeza sipas hetimit të gazetarit të pavarur.
Denoncimi i deputetit Salianji detyroi Fatmirin për të shpëtuar vëllain nga hetimi për trafiqet që drejtonte nga Vlora ta dorëzojë atë me procedurë të rrufeshme në Itali, por sot asnjëri nuk e di se ku ndodhet ai.
Në një akt të turpshëm dhe skandaloz Deputeti Ervin Salianji akuzohet nga klani i drogës Xhafa për shpifje sepse ai denoncoi publikisht mbrojtjen nga Edi Rama dhe Fatmir Xhafa të trafikantit Agron Geron Xhafa në kërkim si i dënuar në Itali për trafik ndërkombëtar droge dhe për faktin Ervini me guxim beri publik investigimin e gazetarit që provonte se Geroni vazhdonte organizimin e trafikut të drogës.
Akuzat kundër tij u montuan nga dëshmitarë të rremë, nga bashkëpunëtorë të ngushtë të krimit në krye të policisë Ardi Veliu, Albert Nushi dhe Andon Marko me ndihmën e trafikantëve në Shërbimin informativ.
Të dashur miq, ky proces i turpshëm i pashembullt në 30 vite në shkallë të parë ju besua anëtarit të bandës së Lushnjës, Artan Gjermeni, i cili zbatoi urdhërat që mori nga Xhafa-Rama. Kurse në apel, çështja ju besua gjykatëses Sadushi, të shoqin e të cilës e lidh një miqësi e njohur dhe fortë e dyshimtë me Fatmir Xhafen dhe klanin e tij.”
Discussion about this post