Myrto Uzuni ka arritur sërisht të gjejë rrjetën me Ferencvarosin, ku këtë herë goli ishte vendimtar për ta ngjitur skuadrën e tij në kreun e renditjes së përgjithshme.
Ferencvaros këtë fundjavë udhëtoi drejt Gyirmot për tu përballur në kuadër të javës së 11 të OPT Bank Liga në Hungari.
Pjesa e parë u mbyll në barazim pa gola, por që në startin e pjesës së dytë shqiptari arrin të shënojë, duke zhbllokuar takimin për Ferencvarosin që deri në ate moment po vuante ndaj skuadrës që endet në pozitat më të ulëta të këtij kampionati.
Minutat e fundit Nguen do të gjente sërisht golin për miqtë me shifrat finale që shkojnë në 2-0 ku falë tre pikëve të fituara nga ky takim, Ferencvaros pozicionohet në krye të kampionatit.
