Një i moshuar në Tepelenë ka rënë sot pre e grabitësve. Burime nga policia për gijotina.com bëjnë me dije se ngjarja ka ndodhur pas mesnatës rreth orës 00:20.
I moshuari i identifikuar me iniciale A. M., 68 vjeç, banues në fshatin Luzat, ka njoftuar se rreth orës 21:45 se në banesën e tij kanë shkuar tre persona të paidentifikuar (të pamaskuar dhe të paarmatosur), të cilët i kanë marrë shumën 200.000 lekë të reja.
I moshuari ka kallëzuar i frikësuar para shërbimeve të Policisë se ka qenë i vetëm në banesë dhe tre personat e paidentifikuar nuk kanë ushtruar dhunë mbi të.
Menjëherë pas marrjes së njoftimit në vendngjarje kanë shkuar shërbimet e Policisë. Grupi hetimor po punon për identifikimin dhe kapjen e autorëve, si dhe për zbardhjen e rrethanave të ngjarjes.
Discussion about this post