Carlos Vela shpreson që ta ketë sërish mundësinë që të luajë në të njëjtën skuadër me Antoine Griezmann ashtu si në kohën kur të dy ishin pjesë e Real Sociedad.
Meksikani, i cili luan që prej 2017-ës në kampionatin e Shteteve të Bashkuara të Amerikës, ka zbuluar së fundmi se dëshiron që francezi t’i bashkohet te ekipi i MLS në Los Angeles FC.
Në ‘Instagramin’ e tij Vela ka shkruar se po punon për ta bindur francezin që të transferohet në Amerikë.
“Po përpiqem të sjell Griezmann këtu. Ne kemi folur për këtë edhe disa herë më parë dhe gjithmonë i them atij, se kur të vijë dita e transferimit të tij në MLS, ai do të duhet të jetë te Los Angeles FC”.-shkruan ai.
Griezmann e ka shprehur në të kaluar dëshirën dhe ambicien e tij, për të provuar aventurën në Major League Soccer dhe duket se kjo ka për të ndodhur në skuadrën e mikut të tij meksikan, i cili është ndër më të mirët e momentit të MLS./K.T/Gijotina.com
