Ditën e sotme janë zhvilluar në stadiumin ‘Selman Stërmasi’ homazhet për komentatorin e njohur të sportit, Kosta Grillon i cili humbi jetën nga Covid-19 në Turqi.
Të pranishëm kanë qenë miq të gazetarit dhe emra të njohur nga bota e sportit në vendin tonë, të cilët i kanë dhënë lamtumirën zërit që na shoqëroi për dhjetëra vite në çdo ndeshje të rëndësishme.
Trupi i të ndjerit është nisur për në banesën e fundit në Himarë, ku do të bëhet përcjellja ditën e sotme në orën 16:00.
Grillo u infektua me Covid-19 në fillim të muajit gusht dhe që prej 27 gushtit ishte në intubim në Turqi, por që nuk mundi ta fitonte ndeshjen me virusin e rrezikshëm.
Kosta Grillo u nda nga jeta në moshën 59-vjeçare, ndërsa kjo ngjarje preku shumë të gjithë sport ndjekësit në vendin tonë./K.T/Gijotina.com
