SPAK ka lëshuar 15 urdhër-arreste për inceneratorin e Tiranës. Mes emrave ndodhet edhe ai i Mirel Mërtirit dhe Klodian Zotos. Gjithashtu raportohet se mes emrave që kërkohet arresti është edhe ai i Taulant Tushe, drejtor i Përgjithshëm i Punëve Publike në Bashkinë e Tiranës. Tushe, konsiderohej si një prej njerëzve më të besuar të Erion Veliaj në Bashkinë e Tiranës, madje në dokumentet e firmosura prej tij lidhur me inceneratorin e Tiranës, ai vepronte si entitet më vete.
Gjithashtu është kërkuar arrestimi i Namik Simixhiut, anëtar i Komisionit Rregullator Kombëtar të Ujit.
Nga raportimet mësohet se arrest në burg është kërkuar për Lefter Kokën, Alqi Bllakon, Mirel Mërtirin, Klodian Zoton, Bledar Karoli, Taulant Tusha, Namik Simixhiu, Jetmir Llapaj.
Ndërsa është kërkuar arrest shtëpie për Alba Thoma, Valbona Ballgjini, Sidita Kopliku, Pëllumb Abeshi, Etleva Kondi, Sidita Tola.
Një nga shkresat e publikuara të firmosura nga Taulant Tushe, tashmë e depozituar në SPAK, është edhe kjo mëposhtë, ku krahas Tushes ka firmosur edhe Ermal Kapllani, drejtor i Policisë Bashkiake Tiranë, po një prej funksionarëve të besuar të Veliajt.
Inceneratori i Tiranës ishte vendosur nën sekuestro me urdhër të SPAK, ndërsa kryebashkiaku i Tiranës, Erion Veliaj është marrë në pyetje nga prokurorët specialë.
Këto janë urdhër-arrestet e para të lëshuara nga SPAK lidhur me inceneratorin e Tiranës, ndërsa për Fierin dhe Elbasanin dosjet kanë kaluar në GJKKO, madje janë dhënë edhe dënimet në shkallën e parë të gjykimit.
(Vijon)
Discussion about this post