Është rikthyer disi qetësia në dhomat e zhveshjes së Interit pas tensioneve në sfidën e Xhenovas, të përfunduar zero me zero përballë Sampdorias.
Fajtorët kryesorë të asaj nate të errët për ekipin milanez ishin Romelu Lukaku dhe Nicolo Barella të cilët nuk i kursyen, as para kamerave, shigjetimet në distancë me njeri tjetrin, me Big Rom që shkoi aq larg sa ta ofendonte rëndë shokun e tij të skuadrës.
Duhet të mos harrojmë se e gjithë hatërmbetja nisi për një vërejtje të Nicolo në lidhje me aftësinë për të ndalur topin të Lukakut. Ato duar të zgjatura në shenjë mërzie të mesfushorit italian nxitën një reagim të gjigandit nga Antverpi që i la të gjithë të befasuar në njëfarë mënyre.
Ditën e djeshme u fol për masa, të paktën në korridore. Ditën e sotme, klubi pritet të marrë masa për të dy antagonistët. Është e qartë që në një klub me kaq histori dhe prestigj si Interi nuk mund të tolerohen sjellje të tilla. Në takimin me Udinesen pritet që “Il Biscione” të kthejë faqe.
Discussion about this post