Barazimin e Interit ndaj Sampdorias si dhe konfliktin Barella-Lukaku nuk i ka lënë pa komentuar edhe ish-sulmuesi i zikaltërve Antonio Cassano.
Duke folur gjatë Bobo TV në Twitch, Cassano, i cili ka një të kaluar edhe si një “Blucerchiato”, analizoi barazimin e Interit në fushën e Sampdorias me tonet e tij të zakonshme:
“Nuk janë ndryshimet sipas pozicionit, por fakti që në një pikë të takimit, Sampdoria hoqi një sulmues dhe një mesfushor të avancuar: doni të luani me 4 pas me Dimarco dhe Dumfries dhe të hiqni një qendërmbrojtës? Dëshironi të ndryshoni, të bëni diçka ndryshe me tre sulmues? Krijo diçka” deklaroi Cassano duke shigjetuar hapur Simone Inzaghin.
Ish-kampioni i Italisë vazhdoi më tej me kritikat për stilin e lojës së Interit por edhe për sjelljen e Barellas:
“Nuk është e mundur çdo herë: edhe vitin e kaluar Interi zbriste në fushë si një ekip sipërfaqësor. Në një ekip ku mungojnë kampionët, kush është më i rëndësishmi? Dora e hekurt e trajnerit. E dini pse Conte fitoi? Sepse ai ishte një fenomen për të menaxhuar grupin. Në pjesën e parë do ta kisha marrë Barellën dhe do ta kisha zhdukur nga ekipi, ai u tregua i ndyrë. I duket vetja si Zidane apo Iniesta, nuk bën një pasim, vrapon si njw amator përpara e mbrapa dhe tund duart. Sikur të bënte diçka të hajrit”. deklaroi Cassano.
Discussion about this post