Një ngjarje e rëndë ka ndodhur mbrëmjen e së shtunës në një furrë buke në Milano. Një person është vrarë dhe një tjetër ka mbetur i plagosur nga të shtënat me armë zjarri, në Piazzale Gambara.
Sipas mediave italiane dy shtetas nga Ukraina hynë në një furrë buke për të ngrënë diçka, por pasi kanë marrë porosinë dhe kamarieri është larguar, ndaj tyre është hapur zjarr.
Nga sulmi me armë u vra 27-vjeçari ukrainas, ndërsa bashkëkombësi i tij, 49 vjeç mbeti i plagosur.
Pas krimit autori ende i paidentifikuar është larguar, ndërsa policia po punon për kapjen e tij.
Menjëherë pas ngjarjes kanë mbërritur forcat e policisë dhe autoritetet hetimore, të cilat u përballën me një skenë të rëndë, ku brenda katër mureve të furrës së bukës kishte njolla gjaku.
Mendohet se dëshmia e disa persona, të cilët ishin ngjitur me furrën e bukës mund të jetë kyç në zbardhjen e ngjarjes, pasi raportohet se ata e kanë parë të gjithë çka ndodhi.
Discussion about this post