Një kamion përplasi këmbësorët në qendër të Passau, Gjermani, duke shkaktuar vdekjen e një gruaje 37-vjeçare dhe, pak më pas, të vajzës së saj 11-vjeçare, e cila megjithëse u dërgua në spital, nuk arriti të mbijetonte.
Si pasojë e aksidentit, 4 persona të tjerë u plagosën, mes tyre edhe drejtuesi i mjetit të rëndë, tashmë i shtruar në spital.
Ndërhyrja e zjarrfikësve ka qenë e nevojshme për ta shpëtuar, pasi kishte mbetur i bllokuar në llamarina. Nuk ishte një sulm, por një aksident: drejtuesi me sa duket goditi këmbësorët pasi parakaloi një automjet të palëvizshëm.
Personat e përfshirë, të gjithë shtetas gjermanë, u transportuan në spital dhe ura Schanzlbrücke, në zonën ku ndodhi aksidenti, u mbyll përkohësisht për trafikun dhe më pas u rihap. Përveç drejtuesit të mjetit, 63 vjeç, kanë mbetur të plagosur djali nëntë vjeçar i gruas së vdekur dhe dy gra të tjera, 70 dhe 45 vjeç.
Tashmë drejtuesi i kamionit ndodhet në mbajtjen e policisë pasi ka marrë ndihmën e nevojshme mjekësore.
Aksidenti ka ndodhur rreth orës 09:50. Sipas dëshmisë së një biznesmeni, të raportuar nga Passauer Neue Presse, shoferi i kamionit mund ta ketë parë autobusin e ndaluar shumë vonë dhe është përpjekur ta shmangë atë. Automjeti përfundimisht u përplas me një mur. Megjithatë, në momentet në vijim, kujtesa u kthye në dhjetor 2016, kur një sulmues kamioni bëri një masakër duke shtypur këmbësorët në një treg Krishtlindjesh të mbushur me njerëz në Berlin.
Discussion about this post