U arrestuan me shumë bujë nga policia në lidhje me trafikimin e medikamenteve, Gjykata e Tiranës cakton masën “arrest shtëpie” për 6 të arrestuarit.
Ditën e sotme është mbajtur seanca gjyqësore për Blerim Bitrin, Florian Markun, Margarita Xhaxhiun, Jani Papulin, Florian Lilën dhe Bashkim Osmanin. Kujtojmë këtu që këta persona u arrestuan gjatë aksionit të policisë i cili bëri shumë bujë, pasi ata shisnin medikamente kontrabandë gjatë periudhës së koronavirusit.
Prokuroria e Tiranës kishte kërkuar “arrest me burg”, por gjykata ka caktuar një masë lehtësuese për të arrestuarit. Duket se dhe në këtë rast, ashtu si shpeshherë ka ndodhur, aksionet e policisë janë më tepër një show për syrin e publikut.
Sipas avokatëve të tyre, këta persona nuk janë kriminelë, por kanë “kontribuar” për të siguruar medikamente, të cilat popullata nuk mund t’i gjente në kohën e pandemisë.
