Drama Hysen-Alvisa duket se nuk ka fund.
Ditën e sotme, në “Për’puthen Prime”, ku ishin të ftuar një psikologe dhe një aktiviste për të drejtat e njeriut, u fol rreth shantazheve nga ana ligjore, si edhe rreth dhunës psikologjike dhe fizike.
Mesa duket Hyseni nuk i ka kapërdirë dot komentet që janë bërë rreth temës së tyre, teksa ka reaguar në rrjetin social Instagram duke postuar në InstaStory një foto dhe një video me akuza ndaj produksionit.
“Ku i keni provat o mashtruesa? Po i jepni zë gurit të fundit që është thjesht një gënjeshtër e skenuar nga produksioni për skenarin e radhës. Meqenëse erdhi puna te guri i fundit, unë kam 3 gurë të fundit që nuk i kam prekur fare. Një do e nxjerr tani ku të gjithë të kuptojnë se çdo gjë në atë program është skenar” – ka shkruar ai.
Ai më pas poston video, në të cilën është duke biseduar me menaxheren e produksionit të programit, e cila e udhëzon para se të hynte në program që nuk duhet ta diskutonte me asnjë dhe se do kishte përballje me Alvisën.
Kujtojmë se Hyseni i bëri thirrje Alvisës të mos tregojë vetëm mesazhet e veta e gjithashtu tregon se do i hedh në gjyq.
Discussion about this post