I ftuar në edicionin e pasdites në SYRI TV për të folur mbi procesin e primareve në Bashkinë e Kukësit ishte anëtari i Këshillit Kombëtar në PD, Akil Kraja.
Kraja është shprehur se zgjedhjet dhe primaret në Kukës prodhuan një kandidaturë i cili përfaqëson dinjitetin dhe qytetarinë për të cilin ky qytet ka nevojë pas atij skandali që solli Gjici.
“Zgjedhjet nënkupton mundësinë për qytetarët të kenë alternative, dhe ajo që ne kemi sot është një alternmativë ku primaret që u zhvilluan këtë fundjavë sollën alternativën më të mirë pasi doli nga vota e qytetarëve ku morën pjesë mbi 600 persona. Alternativa që i ofrohet qytetarëve nga ana tjetër është një kandidaturë që vjen nga fshehtësia dhe nga ndikimet e pista dhe paratë e pista.
Ne sot shohim që ka frymë, ka angazhim dhe qytetarët janë shprehur se kërkojnë një njeri i cili është normal dhe e ka mendje për të punuar dhe jo një individ i cili e ka kthyer zyrën e kryebashkiakut në një aheng kriminal dhe ilegal. Kandidati ynë është një person i cili është edukuar jashtë vendit dhe i trajnuar nga organizatat më të mira në botë sa i përket çështjeve të sigurisë dhe së fundi ka qenë dhe nën.kryetari i bashkisë Kukës dhe e njeh shumë mirë punën dhe qytetarin e Kukësit.
Kukësi është emërtimi i asaj që ka sjellë rilindja që kur erdhi në pushtet i cili është rrënimi dhe shpopullimi, ku qytetari nevojë për një projekt i cili të jetë për zhvillimin dhe përmirësimin e jetës së qytetarëve dhe jo vjedhja e korrupsioni. Shteti shqiptar është në një zjarr të jashtëzakonshme, jemi një vend anëtar i NATO-s dhe sistemi TIMS kalon në duart e personave të cilët të dhënat i transmetojnë nga persona me të shkuar kriminale.
Shqipëria ka mundësi për të prodhuar mirëqenie, siguri rend për të gjithë dhe nuk mund të jemi ne një vend që kem kryetar bashkish më katër emra ose më dy emra ose që kapen me video në zyrë si ajo e Kukësit. Banorët e Kukësit do ti japin një shuplakë dhe do të reagojnë përballë këtij shpopullimi dhe rrënimi të vendit që ka ardhur si pasojë e Edi Ramës”, tha Kraja.
Discussion about this post