Skuadra e Laçit ka fituar me rezultati 2-0 ndaj Skënderbeut në takimin e javës së shtatë të Superligës. Ishte Guindo ai i cili i dhuroi tre pikë ekipit të kurbinasve duke shënuar dopietë dhe në të njëjtën kohë i siguroi debutimin me fitore trajnerit Mirel Josa.
U desh minuta e 40 e lojës që ‘Bardhezinjtë’ të kalonin në avantazh përmes një penalltie të marrë nga Regi Lushkja, e cila u konfirmua nga VAR-i. Pjesa e parë u mbyll me shifrat 1-0, ndërsa do të duhej minuta e 65-ë e takimit që Guindo të dyfishonte shifra.
Ndeshja u mbyll me këtë rezultat, teksa në këtë mënyrë Laçi i rikthehet formës së saj dhe fitoreve dhe ka kaluar në kuotën e 8 pikëve, me Skënderbeun nga ana tjetër që vazhdon pikiatën në vendin fundit të tabelës. Duket se ndryshimi i trajnerit solli skuadrën e ‘Bardhezinjve’ në formë shumë të mirë./K.T/Gijotina.com
