Komisionari i Bashkimit Evropian për dialogun Kosovë-Serbi, Miroslav Lajçak pas takimit me presidenten Vjosa Osmani, po zhvillon një takim me kryeministrin Albin Kurti.
Lajçak nuk ka pranuar të jap asnjë informacion paraprak mbi çështjet që do diskutohen, por zëdhënësi i Bashkimit Evropian, Peter Stano deklaroi sot se vizita e sotme e Lajçakut në Kosovë ka për qëllim përparimin e dialogut dhe përgatitjet për takimin e radhës mes Kurtit dhe Vuçiçit, që synohet të mbahet para fundit të vitit.
Ky është takimi i dytë i Lajçakut me Kurtin brenda pak ditësh, pasi të dy u takuan në Vjenë të Austrisë të hënën. Lajçak deklaroi atë ditë se ka, pasur një diskutim të thellë me kryeministrin Kurti për gjendjen aktuale dhe dialogun. Sa i takon takimit të sotëm pritet që dy zyrtarët të dalin në një konferencë të përbashkët pasi të përfundojë takimin.
Discussion about this post