Lajme të mira për Napolin, dy titullarët rezultojnë negativ për Covid-19

Lajme të mira për Napolin këtë fundvit, pasi dy lojtarë mjaft të rëndësishëm janë rikuperuar nga Covid-19. Bëhet fjalë për kapitenin Lorenzo Insigne dhe Fabian Ruiz.

Klubi ka konfirmuar se dy futbollistët kanë rezultuar negativë në testet e kryera dhe mund të jenë të gatshëm për Luciano Spallettin për ndeshjen e 6 janarit kunër Juventuesit.

Megjithatë, napoletanët kanë disa mungesa të tjera të rëndësishme, duke filluar nga Osimhen (i dëmtuar dhe thirrur për Kupën e Afrikës), Lozano (në izolim nga Covid), Koulibaly (i dëmtuar dhe thirrur për Kupën e Afrikës), Anguissa (në Kupën e Afrikës) dhe Mario Rui i pezulluar.