Ish-futbollisti i famshëm polak Grzgorz Lato, golashënues në botërorin e vitit 1974 ka vlerësuar ekipin tonë kombëtar në vigjilje të sfidës së të martës. Ai ka theksuar se Shqipëria është një skuadër e fortë dhe mund t’i krijojë shumë probleme polakëve.
“Të martën do të jetë një rrugëtim i vështirë. Nëse do të humbasim, do të jetë një zhgënjim. Do të kemi 4 pikë diferencë dhe Shqipëria luan ndaj Andorrës ndeshjen e fundit në shtëpi, ndaj nuk ka vend për ndonjë moment dobësie
Menjëherë pas shortit, të gjithë ekspertët tanë thanë se vetëm Anglia dhe Polonia do ty kishin rëndësi dhe çuditërisht doli në skenë Shqipëria dhe gjërat filluan të lëvizin. Por nëse ne do të kërkonim për kundërshtarin tonë të madh në luftën për vendin e dytë në grup, me siguri nuk do të vinim bast për Shqipërinë, por për hungarezët. Ndërkohë, ata janë mundur 2 herë nga Shqipëria dhe janë jashtë. Jo shumë gjëra në grupin tonë shkuan siç pritej.
Edhe barazimi do të na mbante në ndeshje, por pastaj lufta do të jetë me thikë në dhëmbë deri në fund. Duhet të tregohemi të zgjuar. Do të jetë e pamundur që të hapemi dhe të pësojmë një gol rastësor se pastaj do të kemi probleme. Lojtarët shqiptarë luajnë në klube të mira, nuk është një skuadër e keqe. Unë mbaj gishtat e kryqëzuar për tanët, edhe pse në jetën time kurrë nuk do ta prisja që ky kundërshtar të dilte kaq i fortë’, pranoi Lato.
