Kreu i PL, Ilir Meta ka përshëndetur vendimin e Parlamentit Europian për të miratuar liberalizimin e vizave për Kosovën.
Në një deklaratë për mediat, Meta tha se liberalizimi i vizave për Kosovën e afron më tepër rajonin në BE dhe se qytetarët do të kenë mundësi të lëvizin lirisht si të gjithë fqinjët e tyre.
Ai shtoi se PE me këtë vendim dëshmon themelet e fuqishme të shtetit që ka ndërtuar.
“Më në fund nuk do të ketë qytetarë të diskriminuar të Ballkanit Perëndimor. Qytetarët e Kosovës me në fund do të lëvizin lirisht, me të gjitha të drejta e barabarta në çdo fushë. Ky vendim sot dëshmon për themelet e fuqishme të shtetit që ata kanë ndërtuar. Përshëndetje kësaj arritje të re të Kosovës, arritje në të gjitha drejtimet sidomos në luftën kundër korrupsionit, por edhe ekonomik apo social”, tha Meta.
Discussion about this post