Një vajzë vetëm 8 vjeç është mbajtur e mbyllur përgjatë gjithë jetës së saj nga nëna dhe gjyshërit. Por fatmirësisht, vogëlushja do të shohë më në fund dritën e diellit.
Ngjarja e rëndë ka ndodhur në Gjermani. Fëmija u izolua mes katër mureve para se të mbushte një vjeç në shtëpinë e gjyshërve të saj në Attenborn, pranë Këlnit në Gjermani. Autoritetet gjermane kanë ndërhyrë për të shpëtuar 8-vjeçaren nga skllavëria e gjyshërve dhe e nënës.
Lexo edhe: Me 170 mijë euro “mall” brenda makinës, kapet shqiptari në Gjermani
Ekspertët mjekoligjorë thonë se nuk kanë gjetur shenja dhunë te 8-vjeçarja e as keqyshqyerje. Sipas tyre vajza fliste dhe ecte, por nuk mund të ngjiste shkallët e as ecte mirë në ambientet e jashtme.
8-vjeçarja ka thënë se nuk ka parë kurrë natyrë me sy dhe se nuk ka hipur kurrë në makina. Nuk është ende e qartë se pse familja mbante të ngujuar vajzën. Policia po vijon hetimet për zbardhjen e rrethanave të ngjarjes. Nëna e 8-vjeçares mund të dënohet me 10 vite burgim nëse shpallet fajtore për veprën penale neglizhencë të fëmijës.
Discussion about this post