Skuadra e PSG ka marrë një fitore shumë të rëndësishme ndaj Angers me shifrat 2-1. Një sfidë e cila rezultoi shumë e vështirë për rekordmenët e Francës të cilët fituan vetëm në fundin e takimit me të përhershmin Kilian Mbappe. Ylli i futbollit botëror shënoi golin e fitores për PSG nga pika e bardhë e 11-metërshit. Në këtë ndeshje trajneri Pochetino kishte shumë mungesa për shkak të impenjimeve të lojtarëve me kombëtaret e tyre në Amerikën Latine.
Miqtë kaluan në avantazh në minutën e 36 por vendasit rikthyen baraspeshën me Danilo në të 69 minutë teksa tre minuta para përfundimit të kohës së rregullt Mbape shënoi nga penalltia për PSG që siguroi tre pikë të arta dhe vijon shkëputjen në krye të renditjes.
