Këshilli Europian do të mblidhet sot në Bruksel, ku pritet të vendoset nëse do të mbahet konferenca e parë ndërqeveritare për Shqipërinë dhe Maqedoninë e Veriut, për integrimin e këtyre dy vendeve në Bashkimin Europian.
Para disa javësh, Holanda, një nga vendet më skeptike, i dha dritën jeshile Shqipërisë që të nisë bisedimet për anëtarësim. Ndërsa Bullgaria vijon të këmbëngulë në veton ndaj Shkupit, gjë që mban peng Maqedoninë e Veriut dhe nuk i jep dritën jeshile për integrimin evropian. Ky vendim i Bullgarisë pengon edhe Shqipërinë sepse vendimi do të jepet për të dyja shtetet.
Kjo pasi ende nuk ka një vendim për ndarjen e Shqipërisë dhe Maqedonisë së Veriut nga procesi për çeljen e negociatave me Bashkimin Europian. Perëndimor.
Deri më tani, qëndrimi i palëve është që dy vendet të jenë bashkë në proces dhe të “ecin” paralelisht, pra edhe Shqipëria të mbetet në vend-numëro nga qëndrimi i Bullgarisë ndaj fqinjëve maqedonas.
Këshilli i Bashkimit Europian u ka dërguar një letër delegacioneve të vendeve të BE, përpara mbledhjes së sotme të ministrave të jashtëm të BE, ku iu kërkua që Tiranës dhe Shkupit t’u jepet drita jeshile. Sipas Këshillit të BE, duhet të ruhet vrulli i reformave në këto dy vende dhe të ecet përpara me integrimit europian.
