Skuadra e Partizanit u duk sikur u rikthye në rrugën e fitoreve pas katër sukseseve radhazi në të gjitha kompeticionet por barazimi me Laçin ka rikthyer me këmbë në tokë të kuqtë. Kryeqytetasit e mbyllën fazën e parë të kampionatit me vetëm një fitore të arritur në nëntë javë kampionat si dhe gjashtë barazime dhe dy humbje. Stenio Zhunior, sulmuesi i skuadrës së Partizanit ka bërë një reagim në rrjetet sociale duke shkruar: “Gjërat e mëdha duan kohë për t’u ndërtuar”.
Një shprehja e cila shkon për shtat skuadrës së kuqe për momentin që po kalon. Partizani nuk e ka patur të plotë kontigjentin e lojtarëve dhe kjo është reflektuar në fushën e lojës. Rezultatet kanë munguar por optimizmi është i lartë në radhët e skuadrës së trajnerit Ilir Daja. Partizani sfidon Teutën këtë të premte në “Elbasan Arena” ku do të kërkojë të koleksionojë tre pikë.
Discussion about this post