Lionel Messi ka dalë i treti në ceremoninë e Topit të Artë të votuar nga tifozët, me Robert Lewandowski që del me lehtësi në krye.
Çmimi zyrtar do të jepet të hënën në mbrëmje dhe të gjitha shenjat tregojnë se Messi do të jetë fitues për herë të shtatë.
Mediat ndërkombëtare raportojnë se Messi është informuar dhe ai gjithashtu u ka thënë miqve dhe familjes së tij për arritjen historike.
Megjithatë, jo të gjithë mendojnë se ky duhet të ishte viti i tij dhe ‘Transfermarkt’ ka vendosur t’i shkojë deri në fund.
Duke përdorur sondazhet në ‘Instagram’, të dhënat kanë krijuar një format nokaut për të përcaktuar se kush duhet të jetë fituesi i ‘Topit të Artë’.
Nga sondazhet e këtij rrjeti social vendin e katërt e merr Cristiano Ronaldo, të tretin Lionel Messi, të dytin Mohamed Salah dhe fitues shpallet Robert Lewandowski.
Do të ishte e vështirë të dalësh kundër Lewandowskit
Viti 2021 ka parë që Lewandowski të thyejë shifrën e të gjitha kohërave të Gerd Muller-it prej 40 golave në një sezon të vetëm në Bundesligë, ndërsa fitoi një tjetër titull të Bundesligës.
33-vjeçari ka shënuar 25 gola në 19 ndeshje në të gjitha garat tashmë këtë sezon.
Gjithçka që duhet bërë tani është të presim që ceremonia e çmimeve të mbahet në Paris javën e ardhshme./K.T/Gijotina.com
Discussion about this post