Ndodhi dhe kjo! Makina ‘futet’ në lokal në Tiranë, plagos 2 persona

Ndodh edhe kjo në vendin tonë. Një makinë mësohet se ka dalë nga rruga dhe ‘ka hyrë’ në lokal.

Ngjarja është regjistruar këtë mbrëmje pranë Liqenit të Farkës. Të plagosurit janë baba e bir, 50 dhe 25 vjeç.

“Tiranë/Informacion paraprak

Më datë 01.07.2023, rreth orës 21:05, janë paraqitur në spital për ndihmë mjekësore shtetasit Ç. B., 50 vjeç, dhe djali i tij, shtetasi D. B., 25 vjeç.

Dy shtetasit kanë qenë duke qëndruar në lokalin e tyre, në afërsi të liqenit të Farkës, dhe drejtuesi i një automjeti dyshohet se ka humbur kontrollin mbi drejtimin e tij dhe si pasojë automjeti ka dalë nga rruga dhe është futur në lokal.

Grupi hetimor po kalon në vendngjarje dhe po punon për sqarimin e rrethanave të aksidentit”, njofton policia.