29-vjeçari Enea Thomaraj humbi jetën këtë të premte, pasi prej 3 muajsh qëndroi në Spitalin e Traumës.
Vdekja tragjike e tij ka shkaktuar hidhërime të shumta, pasi jo vetëm u nda nga jeta një djalë i ri, por edhe sepse ai mbeti viktimë e një sulmi me tritol, nga njerëz me të cilët nuk kishte asnjë lidhje.
Me dhimbje e lot në sy, familjarët thonë se tre muaj e kanë larë me lot rrugët dhe spitalin, por Enea nuk mundi t’ia dilte….
Tezja e tij tha për Euronews Albania se kjo situatë është shumë e vështirë. Ajo shprehu edhe revoltë ndaj shtetit, pasi sipas saj kjo ngjarje tregoi që “Shqipëria nuk ka as shtet, as polici, asgjë”.
“Kjo është aq e vështirë sa ne nuk e përshkruajmë dot. Ne nuk jemi të sigurt. Të gjesh vdekjen në shtëpinë tënde. Shqipëria ka mbaruar, nuk ka as shtet as polici, asgjë. Shqipëria është t’ia mbathësh me vrap me të katra. Nuk kam ç’them më…”, u shpreh për tezja e Enea Thomarajt.
29-vjeçari ishte viktimë e pafajshme e shpërthimit me tritol që u vendos në portën e motrave Alda dhe Xhovana Nikolli.
Fqinj me motrat Nikolli, i riu ishte shkuar në tualet në momentin që ndodhi shpërthimi, duke bërë që ai të merrte dëmtime të rënda brenda banesës së tij.
Në media dhe rrjete sociale, motrat Nikolla kanë akuzuar Nuredin Dumanin si autorin që fshihet prapa vendosjes së tritolit.
Lexo edhe:
Discussion about this post