Mos lejimi i celularit është një nga rregullat kryesore për nxënësit që futen në testin e minimaturës. Por, pavarësisht se kontrollet shtohen çdo vit shohim që tezat e provimit qarkullojnë në rrjetet sociale gjatë orës kur nxënësit janë në testim. Kjo gjë ka ndodhur sot edhe në Kosovë, ku është mbajtur sot pjesa e parë e testit të minimaturës, të cilit i janë nënshtruar mbi 24 mijë nxënës.
Ky test, organizohet nga Ministria e Arsimit, Shkencës, Teknologjisë dhe Inovacionit, që ka për qëllim orientimin e nxënëseve për regjistrimin në shkollat e mesme të larta.
Por, ajo çfarë po bie më shumë në sy, është një fenomen i cili përfshirë edhe këtë vit, ka ndodhur edhe në të kaluarën. Ky fenomen është ai i kopjimit. Ku nxënësit, shumë lirshëm, arrijnë të fotografojnë testet dhe t’i publikojnë ato në rrjetet sociale si në Facebook, duke kërkuar ndihmë në mënyrë që t’i përgjigjen saktë pyetjeve. Duhet shtuar se këto postime nuk janë të vetmet, dhe në grupet e hapura së fundmi ka dhjetëra të tilla.
Discussion about this post