Organizata Botërore e Shëndetësisë tha se nevojiten përpjekje të reja për të parandaluar përhapjen e koronavirusit, ndërsa shkencëtarët përpiqen të përcaktojnë rreziqet e paraqitura nga varianti i ri Omicron.
Sipas VOA, normat e ulëta të vaksinave të kombinuara me lodhjen e publikut mbi masat e sigurisë po rrezikojnë më shumë njerëz në Afrikë. Ekspertët thonë se nuk është çudi që është zbuluar një variant i ri i koronavirusit. Të dhënat e qeverisë tregojnë se të paktën 41 për qind e të rriturve të Afrikës së Jugut janë vaksinuar tani.
Dr. Mary StepheN, një oficere teknike për zyrën e Organizatës Botërore të Shëndetësisë në Afrikë tha se në mungesë të vaksinave, publiku ka nevojë për inkurajim për të mbajtur masa të tjera për të zvogëluar përhapjen dhe për të shpëtuar jetë.
“Nuk mund të jemi të lodhur; ne duhet të vazhdojmë të sigurohemi që të respektojmë mbajtjen e maskave tona për fytyrën, të mbajmë distancën, të shmangim grumbullimet masive të panevojshme, të sigurojmë higjienë të mirë të duarve, në mënyrë që të jetë një shtresë tjetër mbrojtjeje përveç vaksinimit”, tha ajo.
Shkencëtarët afrikano-jugor zbuluan variantin Omicron javën e kaluar. Hulumtimet janë duke u zhvilluar për të përcaktuar se sa i transmetueshëm është dhe reagimi i tij ndaj vaksinave. Mes pasigurisë, Britania, Shtetet e Bashkuara dhe Bashkimi Evropian reaguan duke vendosur ndalime të udhëtimit në Afrikën Jugore.
Discussion about this post