Papa Françesku është shprehur gjatë një interviste për ‘Corriere Della Sera’, se kërkon një takim në Moskë me presidentin rus Vladimir Putin, në një tentativë për të ndaluar luftën, por akoma nuk ka marrë një përgjigje nga ai.
Kreu i Vatikanit tha se në fillim të luftës ka komunikuar vetëm me presidentin ukrainas Volodymir Zelensky ndërsa me Putinin nuk ka folur që për ditëlindjen e tij.
“Në Kiev tani për tani nuk do të shkoj. Kam dërguar dy kardinalët Michael Czerny dhe Konrad Krajeëski të cilët e kanë vizituar Ukrainën. Së pari duhet të shkoj në Moskë dhe të takoj Putnin. Por unë jam një prift, çfarë duhet të bëj? Unë do të bëj atë që mundem nëse Putini hap derën. Ditën e parë të luftës telefonova presidentin ukrainas Zelensky, por nuk e thirra Putinin. Unë kisha folur me të në dhjetor për ditëlindjen time, por këtë herë jo, nuk e telefonova. Doja të bëja një gjest të qartë për ta parë e gjithë bota dhe kështu takova ambasadorin rus”, tha Papa.
Sipas tij, ai i ka kërkuar kardinalit Parolin, t’i dërgonte Putinit mesazhin se ai është gati të shkojë në Moskë, por nuk ka marrë ende një përgjigje duke pasur frikë se mos kërkesa do t’i refuzohet.
Discussion about this post