Bizneset në vendin tonë nuk e kanë marrë akoma veten nga kriza që solli pandemia dhe këtë e vërtetojnë të dhënat më të fundit të publikuara nga Drejtoria e Tatimeve.
Në raportin e publikuar evidentohet se, në 9 muajt e parë të këtij viti, rreth 300 biznese i janë shtuar listës së debitorëve ndaj administratës tatimore, duke mos paguar detyrimet në kohë. Sipas të dhënave të Drejtorisë së Përgjithshme të Tatimeve, deri më 9 Shtator janë konkretisht 32 102 subjekte dhe persona fizikë të penalizuar, ndaj të cilëve është vendosur masa e barrës siguruese apo hipotekore nga ana e administratës tatimore.
Akoma më shqetësues bëhet faktin pasi bizneset i kanë akumuluar këto borxhe ndër vite dhe tregojnë e kanë të pamundur t’i shlyejnë ato edhe për këtë vit. Sipas Tatimeve, gjatë 2021 aftësia paguese e bizneseve ka rënë edhe më shumë.
Lista e tatimeve tregon se nuk bëhet fjalë vetëm për borxhe të akumuluara rishtazi nga subjektet, por një pjesë e mirë prej tyre datojnë mbi 10 vite më parë. Shifra në rritje muaj pas muaj, është papërgjegjshmërinë e subjekteve në zbatim të legjislacionit tatimore dhe në respektimin e afateve.
E.H/ gijotina.com
