Kryetari i Partisë Demokratike Sali Berisha lajmëroi një ditë më parë zhvillimin e një proteste kombëtare pasditen e 8 shkurtit.
Për të mësuar më shumë mbi kauzën dhe organizimin e kësaj proteste, deputetja demokrate Ina Zhupa në një intervistë televizive renditi të gjitha arsyet se pse janë thirrur njerëzit në shesh nga opozita.
“Pra, ne mund të jemi shumë dimensional në aksionin tonë politik, që nga organizimi i fushatës, denoncimet ndaj qeverisë, procesin e votimit të diasporës, si dhe pasqyrimin e programit tonë qeverisës si alternativë qeverisëse p[as zgjedhjeve të 11 majit. Protesta është një arsye që shqiptarët të tregojnë se nuk mund të nëpërkëmben dhe që Partia Demokratike i udhëheq ata drejt ndryshimit. Dhe sigurisht që ne do të jemi të shumtë, protesta do të jetë madhështore dhe PD-ja i ka të gjitha kapacitetet që t’i ndihmojë qytetarët që të shprehin revoltën e tyre.
Ne e kemi të qartë se në asnjë moment nuk do të ndalemi së denoncuari aferat qoftë në zona lokale, qoftë aferat e Edi Ramës.
Nesër ne fillojmë realisht sesionin parlamentar dhe atje ka shumë për të bërë betejë, se atje janë ligjet e bëra me porosi, ligje që nuk bëhen për interesat e qytetarët, por për t’i shërbyer një grupi të caktuar oligarkësh të cilët hedhin lekë në fushatën e PS-së, dhe më pas marrin tendera publikë.
Kjo siç u dëshmua edhe në intervistën e fundit të ish-zëvendëskryeministrit të qeverisë “Rama” dhe të gjitha këto në kurriz të qytetarëve shqiptarë.Sigurisht që do të jetë një fushatë e ashpër pasi ne nuk kemi ndërmend as të falim dhe as të mos i nxjerrim para përgjegjësisë të gjithë ata që ne i cilësojmë si kriminelët elektoralë”, u shpreh ndër të tjera ligjvënësja demokrate Ina Zhupa.
Discussion about this post