Tirana ka mundur t’i rikthehet rezultateve pozitive në fitoren 0-2 ndaj Egnatias në Rrogozhinë. Golat për ‘Bardheblutë’ në këtë sfidë janë realizuar nga Ismajlgeci dhe nga Ngoo, të dy të shënuar në pjesën e parë të ndeshjes.
Duke folur pas këtij takimi, trajneri i kryeqytetasve Orges Shehi u shpreh se është i lumtur që Ngoo i është rikthyer golave.
“Kemi arritur ta zgjidhim ndeshjen shumë shpejt. Jam i lumtur që Ngoo shënoi, gjatë gjithë javës kam folur shumë me të. I kam thënë që duhet të qëndrojë i qetë dhe të rritej fizikisht dhe të ishte në formë. E rëndësishme është se gjithë organika duhet të jetë e gatshme sepse si nga psikologjia edhe nga gjendja mentale duhet të jenë gati për ngjeshjen e kalendarit. Duhet të jenë të gatshëm të gjithë duke parë ngjeshjen e kalendarit dhe të japin më të mirën e tyre. Kampionati është i gjatë, disa skuadra kanë bërë mirë, disa jo atë që prisnim. Ka shumë javë në lojë, kjo situatë nuk besoj se do të jetë kështu. Nëse jemi ne ajo që kemi qenë besoj se do të bëjmë shumë mirë. Gjumsi sa herë e kam aktivizuar ka dhënë më të mirën dhe për këtë e kam komplimentuar.”-deklaroi Shehi.
Ndërsa pas kësaj sfide Tirana vijon të jetë në krye të tabelës së Superligës, ndonëse me vetëm një pikë diferencë nga Kukësi i vendit të dytë./K.T/Gijotina.com
Discussion about this post