‘Fenomeni’ Ronaldo ditën e sotme në një intervistë ka pohuar se ai ka hedhur poshtë mundësinë për të blerë dy klube të fubollit në Angli.
Momentalisht ylli brazilian ka investuar në skuadrën e Real Valladolid, por ai meson se më parë është kontaktuar nga disa persona që i kërkonin të investone në këto dy klube angleze.
Bëhet fjalë për skuadrat e Charlton Athletic dhe Brentford, por Ronaldo ka konfirmuar se vlera e investimit fillestar e kërkuar për këto dy ekipe ishte shumë e lartë.
“Po kërkoja një ekip për të blerë dhe kisha ndihmën e disa njerëzve me të”, shpjegoi fillimisht dy herë fituesi i Kupës së Botës.
“Kishte shumë mundësi në Angli, dhe ende ka, por meqenëse ligat lokale janë ndoshta më të organizuarat dhe më të vlefshmet në botë, klubet atje përfundojnë duke pasur një vlerësim shumë më të lartë se kudo tjetër në Evropë. Është vërtet interesante”.
“Tani ne të gjithë e shohim Premier Leaguen që udhëheq rrugën në industrinë e futbollit ndërsa ligat e tjera po bëjnë çmos për të arritur financiarisht, sepse konkurrimi me futbollin anglez është shumë i vështirë këto ditë”.
“Në atë kohë, kishte disa mundësi. Brentford ishte një nga skuadrat që më ofruan; unë duhet të flas me ta dhe të kuptoj planin e biznesit dhe ishte shumë bukur”.
“Kishte edhe klube në nivelin e tretë me potencial masiv – Charlton, një skuadër londineze me traditë të madhe, më ofruan mua gjithashtu”.
“Por të gjitha këto ishin mundësi që kërkonin investim prej më shumë se 50 milionë funte. Në fund, vendosa të blej Valladolidin për një çmim më të lirë dhe të mbaj cilësinë e jetës që kam në Madrid”, përfundoi Ronaldo.
