Trajneri i skuadrës së Milanit, Stefano Pioli ka thurur elozhe për sulmuesin e kuqezinjve, Zlatan Ibrahimoviç. Ai ka theksuar se suedezi është lojtari më i mirë që ka stërvitur.
“Ibrahimovic ka akoma shumë për të dhënë në fushën e blertë. Ka një nivel shumë të lartë, edhe me më të rinjtë. Është i rreptë kur duhet dhe i kujdesshëm në momentet më të vështira.
Shpresoj që kjo periudhë pushimi ta ndihmojë të arrijë formën e tij më të mirë. Në fushë e kupton lojën shumë shpejt, para të tjerëve, pa harruar edhe formën fizike që të impresionon.
Është lojtari më i mirë që kam stërvitur, edhe pse kam patur edhe një lojtar tjetër shumë të fortë: Miroslav Klose te Lazio”, ka deklaruar Pioli.
