Departamenti i Thesarit i SHBA-së ka futur në listën e zezë tre persona nga Bosnja dhe Hercegovina, përfshirë edhe ish-drejtorin e Agjencisë së Inteligjencës dhe Sigurisë (OSA), Osman Mehmedagiç. Kjo është bërë e ditur nga Sekretari amerikan i Shtetit Antony Blinken.
“Sot ne sanksionuam tre persona në Bosnjë dhe Hercegovinë të cilët kërcënuan sundimin e ligjit, minuan institucionet, penguan ose kërcënuan zbatimin e Marrëveshjes së Paqes të Dejtonit dhe kontribuan materialisht në përhapjen ndërkombëtare të drogave të paligjshme”, ka shkruar Blinken në Tuitter.
Ky informacion është publikuar sot zyrtarisht edhe në faqen e internetit të Departamentit të Shtetit të SHBA-së. Sipas mediave në Bosnjë, Osman Mehmedagiç akuzohet se ka përdorur BH Telecom për të mbledhur “aktivitetet celulare” nga politikanë që nuk ishin të lidhur me Partinë e Veprimit Demokratik (SDA).
“Në cilësinë e tij zyrtare si Drejtor i Përgjithshëm i Agjencisë së Inteligjencës dhe Sigurisë së BeH-së, shtetasi i BeH, Osman “Osmica” Mehmedagiç keqpërdori kompaninë shtetërore të telekomunikacionit në favor të Partisë për Veprim Demokratik (SDA), një nga partitë më të mëdha politike në BeH…”, thuhet në raport. Përveç kësaj, Mehmedagiç përdori pozitën, kërcënimet dhe lidhjet e tij për të inkurajuar kandidatët nga “Osmorka” për të mbështetur SDA. Ekzistojnë gjithashtu informacione të besueshme se Mehmedagić ka bashkëpunuar me grupe kriminale për të pasuruar veten dhe partinë e tij politike.
Discussion about this post