Arsenali po lufton për herë të parë pas shumë vitesh për titullin kampion në Angli, por rezultatet e fundit kanë bërë që Manchester City t’iu afrohet, duke rritur më shumë presionin.
Megjithatë, dy skuadrat do të kenë mundësi të përballen me njëra-tjetrën në “Etihad Stadium” të mërkurën e ardhshme.
Ish-mbrojtësi i Manchester United, Gary Neville ka këshilluar Artetën se si mund ta shkatërrojë Cityn. Neville ka pranuar se Arsenali është surpriza e këtij sezoni dhe të gjithë do të donin që ta shihnin duke u shpallur kampion.
“City dhe Guardiola i kanë qejf këto lloj ndeshjesh, por të njëjtën gjë duhet që të bëjë edhe Arteta. Arsenali duhet që të shkojë me besimin se mund ta shkatërrojë Cityn, ti bëjë 3 gola.
Arsenali duhet të mendojë se mund të bëjë histori. Të shohësh një ekip që sezonin e fundit renditet i pesti dhe këtë sezon, kampion, është shumë e bukur. Kjo është ajo që duam të shohim”, u shpreh ish-mbrojtësi i Manchester United.
Discussion about this post