Situata në veri të Kosovës vijon të jetë e njëjtë prej tre javësh, ku rrugët janë ende të bllokuara. Ndërkohë në një konferencë për mediat, presidenti i Serbisë Alexandar Vuçiç deklaroi se Beogradi zyrtar është vazhdimisht në bisedë me bashkësinë ndërkombëtare për këtë çështje.
Megjithatë sipas tij bisedimet janë të vështira, dinamike dhe serioze.
“Jemi në bisedime me Miroslav Lajçak dhe Gabriel Escobar. Ne kemi të përfshirë të gjithë njerëzit tanë, burimet e mundshme dhe po bëjmë çmos për të ruajtur paqen duke arritur një lloj kompromisi”, ka deklaruar Vuçiç.
Për të, Prishtina zyrtare në mënyrë histerike po kërkon heqjen e barrikadave, duke pretenduar kështu se zyrtarët e Qeverisë së Kosovës me një pjesë të bashkësisë ndërkombëtare “po kënaqen me dëbimin e serbëve”.
“Serbët nuk kanë shkuar në barrikada sepse u ka shkuar në mendje dhe gjëja më qesharake është kur Sveçla thotë se do të sulmonin integritetin territorial”.
Discussion about this post