Me arritjen e temperaturës në 44 gradë celsius në Spanjë, është thyer rekordi i temperaturës për muajin qershor në 20 vitet e fundit.
Vala e të nxehtit, e cila ka prekur vendin për një jave do të vazhdojë deri në fundjavë. Kjo valë ka prekur të gjithë Spanjën përveç Asturias në veri dhe ishujt Canary në jugperëndim.
Ndërsa temperatura rritet në 44 gradë në Sevilla dhe Kordoba, dy qytetet e rëndësishme të rajonit e Andaluzias në jug, ajo arrin 40 gradë në qytete si Madridi, Toledo dhe Zaragoza.
Në 11 administratat autonome të Spanjës është lëshuar një alarm portokalli, i cili ka rëndësi dytësore për pushtetet vendore për shkak të temperaturave të motit, ndërsa autoritetet këshillojnë qytetarët të mos dalin në diell gjatë orëve më të nxehta të ditës, të konsumohet shumë ujë dhe të përdoren kapela dhe veshje mbrojtëse ndaj diellit.
Përveç kësaj, kujtohet se më shumë se 3.500 hektarë sipërfaqe pyjore u dogjën në Malaga javën e kaluar dhe janë bërë paralajmërime kundër rrezikut të zjarreve në pyje. Meteorologët thanë se është regjistruar qershori më i nxehtë në 20 vitet e fundit dhe se temperaturat nuk do të ulen para të shtunës.
Discussion about this post