Pjesa më e madhe e studentëve në universitetin “Ismail Qemali” të Vlorës hezitojnë të vaksinohen për shkak se ndihen të frikësuar. Ata shprehen për mediat se, nëse vaksina do të bëhet e detyrueshme për të qenë pjesë e auditorit, atëherë do të marrin pjesë në procesin e vaksinimit. Por, me dëshirë nuk do e bëjnë sepse nuk kanë informacion rreth origjinës apo efektet që jep vaksina.
Ndër të tjera ta tregun se, informacioni i qarkulluar në media të ndryshme e rrjete sociale, i ka frikësuar tejmase, prandaj deri më tani nuk e kanë bërë vaksinën. Nga na tjetër ata kanë treguar se kërkojnë që, këtë vit mësimi të zhvillohet në auditore dhe jo online.
Por, kujtojmë këtu se, vaksinimi i detyruar është e vetmja mënyrë që i shtyn studentët të bëjnë vaksinën. Nga njoftimet e bëra nga ministria e shëndetësisë, për të qenë pjesë e auditorit duhet të vaksinohen pedagogët e studentët. Në kryeqytet deri më tani janë bërë disa protesta kundër vaksinimit të detyruar, ndërsa në rrethe nuk ka pasur reagim.
E.H /gijotina.com/
