Lajme të mira për tifozët e Chelsea dhe Kombëtares shqiptare. Armando Broja ka lënë pas dëmtimin e rëndë që pësoi në një miqësore pasi këputi ligamentin dhe kreu një operacion i cili përfundoi me sukses. Në fillim u diskutua se Broja do të mungonte gjatë, por rikuperimi post-operacion ka shkuar shumë mirë, duke bërë që bomberi shqiptar të çohet në këmbë dhe të nisë stërvitjen.
Broja është parë së fundmi në sallën e forcës së klubit duke u stërvitur me shokët e skuadrës. Si çdo herë pas një dëmtimi të rëndë, lojtarët rikthehen fillimisht në palestër duke bërë ushtrime dhe stërvitje të personalizuar, dhe më pas kryejnë stërvitjen e fundit në fushë me skuadrën. E njëjta gjë do të ndodhë edhe me Brojën, pasi sulmuesi i kryeqytetasve tashmë ka bërë hapat e parë duke u rikthyer në stërvitje.
Ky është vetëm fillimi i rikuperimit, por mund të thuhet se Broja është në gjysmë të rrugës për t’u rikuperuar plotësisht. Sipas asaj që mësohet, sulmuesi me origjinë nga Malësia e Madhe mund të rikthehet në fushën e lojës me skuadrën nga fundi i prillit ose në fillim të majit.
Discussion about this post