Të paktën 237 persona kanë vdekur dhe 639 të tjerë janë lënduar pas një tërmeti të fuqishëm që goditi Turqinë jugore herët të hënën, njoftoi agjencia shtetërore siriane e lajmeve SANA, duke cituar një zyrtar të Ministrisë së Shëndetësisë.
Numri zyrtar i të vdekurve në Turqi dhe Siri tani është më shumë se 300, me afro 2000 të lënduar, shkruajnë mediat e huaja.
Ministria siriane e Mbrojtjes ka thënë në një deklaratë se “po mobilizon të gjitha njësitë, formacionet dhe institucionet e saj në të gjitha qeveritë për të ofruar ndihmë të menjëhershme dhe ndihmë urgjente për banorët e prekur nga tërmeti, kërkimin e njerëzve të bllokuar nën rrënoja dhe për të trajtuar të plagosurit”.
Lëkundjet nga tërmeti, një nga më të fuqishmit që kanë goditur rajonin në më shumë se 100 vjet, janë ndjerë deri në Izrael.
Njerëzit në Jerusalem dhe Tel Aviv raportuan se kishin ndjerë dridhjet herët në mëngjes të hënën dhe policia izraelite tha se kishte marrë më shumë se 3,000 raportime të tilla.
Ndërkohë raportohet se të paktën 18 pasgoditje me magnitudë mbi 4 ballë janë regjistruar pas tërmetit të fuqishëm.
Pasgoditja më e fortë deri më tani u regjistrua vetëm 11 minuta pas tërmetit të parë dhe kishte një magnitudë 6.7. Ekspertët thonë se pasgoditjet e forta ka të ngjarë të vazhdojnë në orët dhe madje edhe ditët në vijim pas një tërmeti aq të fortë sa ai që përjetoi Turqia të hënën në mëngjes.
E në rrjetet sociale kanë filluar të shfaqen pamje që tregojnë dëmet e shkaktuara.
Discussion about this post