Pas fëmijës së parë të familjes gjenden të pajetë nën rrënojat e djegura të banesës edhe nëna me fëmijën tjetër.
Mësohet se nëna me dy fëmijët e saj sapo ishin kthyer nga Gjermania, ndërsa grupi hetimor po vijon hetimet për të zbardhur plotësisht dinamikën dhe shkaqet e ngjarjes tragjike.
Policia vendore njoftoi për ngjarjen e rëndë se:
“Rreth orës 13:10, në fshatin Domen, Shkodër, ka rënë zjarr dhe është djegur banesa në pronësi të shtetasit B. Ç. Shërbimet e Policisë dhe punonjësit e shërbimit zjarrfikës, pas marrjes së njoftimit, kanë shkuar në vendngjarje. Nga veprimet e para dyshohet se, si pasojë e zjarrit, kanë humbur jetën shtetasja B. Ç., 24 vjeçe, dhe dy fëmijë të mitur, përkatësisht 3 vjeç dhe 1 vjeç e gjysmë. Grupi hetimor, nën drejtimin e Prokurorisë, po punon për përcaktimin e shkakut të rënies së zjarrit dhe dokumentimin e plotë të rrethanave të ngjarjes”.
ër shkak të zonës së thellë, zjarrfikësja ka shkuar me vonesë. Banesa ndodhet gjysmë ore larg në këmbë nga rruga kryesore.
Fatkeqësisht, kur ka mbërritur zjarrfikësja, banesa ishte shkrumbuar dhe rrënuar e gjitha, teksa efektivëve u ka mbetur vënia në kontroll e situatës dhe kërkimet për trupat.
Hetimet po ndiqen në pistat e një ngjarjeje dhe zjarri aksidental, por pa përjashtuar edhe pista të tjera.
Nëna dhe dy fëmijët e saj kishin udhëtuar për në fshatin Domen të Postribës, ku kishin banesën e vjetër të familjes.
gijotina.com/
Discussion about this post